TUGMA

May mga bagay na pilit ituturo

Batubalani sa hintuturo kahit pa tila

Sinasabi ng mundo, harapan:

"Di maaari. Mabibigo ka lang."

Pamantayang pumapantay

Sa mga paa nating nais lamang ay

Maglakbay, masilayan ang kayrami pang

Landasin: bulong sa tainga, mariin

Sa mga kaya at di kayang gawin.

Sa mga dapat at di dapat maging.

Subalit hahakbang ka, lagpas sa simpleng pagsusulit

Na may mga bagay na sa simula'y

Di man tugma, akma

'Pag nagsama'y magpapaalala

Sa mundong paraiso sa ganda.

Bighaning laging bibihag sa mata.

Umigpaw lamang sa kung ano

Ang siyang laging abot-tanaw.

Sa pagtutugma sa mga bagay

Walang ibang sagot kundi ikaw.